Өскеменде бала мен әйелді құтқарып қалған ерлер марапатталды

Облыстың төтенше жағдайлар жөніндегі департаменті ерлік көрсеткен азаматтарға салтанатты түрде ҚР ІІМ медальдарын табыс етті

Сәуір айында Славский атындағы жағалау маңында демалып жүрген ана мен баласы жазмыштан суға құлап, көмек шақырған. Қуанышқа орай, осы маңда жүрген №2 өрт сөндіру бөлімінің жүргізушісі Виталий Бактыбаев ойланбастан суға қарғып кетіп, ана мен баланы құтқармақ болады. Осы сәтте оқиғаға куә болған азаматтар Ернар Қадылбеков имен оның әріптесі Айдын Тортбай да оларды құтқаруға ұмтылады. Солардың арқасында ана мен бала аман қалған еді.

Ал ерлік көрсеткен азаматтарға ШҚО ТЖД басшысы Нұрлан Мадьяровтың өзі медаль тақты. Үш азамат та "Төтенше жағдайдағы ерлігі үшін" төсбелгісімен марапатталды.

Тақырыптар: Спасение ребенка из Иртыша Спасение человека в ВКО Награждение горожан в Усть-Каменогорске