Өз пәтерінде иіс газына уланып қалған

Семей қаласындағы тоғызыншы қабаттағы пәтерлердің бірінен шыққан өрт салдарынынан 82 жастағы әже қаза тапты

Өрт 3 мамыр күні түскі уақытта Бөгенбайұлы көшесі бойындағы көппәтерлі үйдің тоғызыншы пәтерінен шыққан. Жоғарғы қабаттағы пәтерден түтін шығып жатқанын байқаған көршілер өрт сөндіру қызметін шақыртқан.

Пәтерге енген құтқарушылар үйдегі тоңазытқыш пен жиһаз жанып жатқанын анықтаған. Уақытты жоғалтпай өрт сөндірушілер тілсіз жауды ауыздықтауға кіріскен. Үйдің ішінен егде жастағы әйелдің мәйіті табылған.

Семей қаласы ІІБ баспасөз қызметінің ақпараттарына сүйенсек, ол үйде жалғыз тұрған және өз еркімен қозғала алмаған екен.

Тақырыптар: Пожилая жительница ВКО задохнулась в квартире Пожары в ВКО