Өскемен мен ШҚО Өскемендегі балалар алаңы қаңырап жатыр
Сәтпаев даңғылында орналасқан "Балапан" балабақшасының маңындағы балалар алаңы қаңырап бос жатыр
Ал ЖМК ауданының тұрғындары балалар алаңына қойылған металл констукциялардың топ басып қалғанын айтады.
- Алаңды осыдан екі жыл бұрын салған. Бірақ бұл маңға келіп ойнаған бала болмады. Бұған кім жауапты? Иесі кім? Босқа салғаны ма? - дейді өскемендіктер.
Кейін белгілі болғандай, балалар алаңы "Балапан" балабақшасы салынған кезде тұрғызылған. Алайда көзден тасада орналасқандықтан, балалар да, тұрғындар да бұл маңға жолай қоймаған.
- Еріген қардың суы балалар алаңы маңында жиналып, шұңқырға айналдырған. Қызметкерлер бұл маңды тазалады. Алайда металл конструкцияларды айырбастау бюджетке кірмеген, - дейді Өскемен Тәртіп кәсіпорны баспасөз хатшысы Әсел Ахметжанова.
