Өскемен мен ШҚО 
Қоқыс күресіндерінде сұрыптау орындары құрылады
Қоқыс төгетін алаң таралып барады, ал төгілген қалдықтарды қалай да азайту керек
Жақын уақытта Өскемен алаңдарының барлығына арнайы контейнерлер орнатылып, қоқыстардың барлығы іріктеліп тасымалдана бастайды. Әзірше, тұрғындар қоқыстарды тек бір ғана ыдысқа салып жүр. Ал күзге таяу "Өскеменспецкоммунтранс" қоқыстарды іріктейтін арнайы жабдық сатып алады.
Ал сұрыпталған қоқыстар өңделетін болады. Картон, пластик, полиэтилен қалдықтардың біразы Алматы қаласындағы қағаз фабрикасына жөнелтіледі.
- Қоқысты іріктейтін орындарда жұмысшылар тұрады. Олар картон, қағаз, пластик, шыны сынды заттарды бөлек салып отырады. Мұндай іріктеу орындары Лесхоз маңындағы қоқыс күресінінде ашылады, - дейді "Өскеменспецкоммунтранс" директоры Казез Махамбетов.
Кәсіпорын алдағы уақытта қоқыс өңдейтін жеке орын да ашуды ойлап отыр. Алайда бұл, әзірше, болашақта істелетін істің қатарында.