Өскемен мен ШҚО Экологтар жапырақтарды өртеу ауаға зиян келтіреді деп отыр
Мамандар жапырақтар мен қоқыстарды жинап жағып көрген кезде, ауаға зиянды қалдықтардың көп мөлшері таралатындығын анықтады
Өскеменнің ауасы жапырақтарды да улайтын көрінеді. Ауадағы зиянды қалдықтарды бойына сіңірген жапырақтарды жинап, жаққан кезде, түтін арқылы атмосфераға одан да көп зиянды қалдық таралатындығы дәлелденді, деп хабарлайды Устинка LIVE.
- ШҚО Экология департаменті құлаған жапырақтарды жағу ауаға зиян келтіретінін дәлелдеп отыр. Жапырақтарды жаққан кезде ауаға күкірт диоксиді, азот диоксиді, күкіртті сутек, формальдегид, хлор сутегі сынды зиянды қалдықтар таралады, - дейді Экологиялық қауіпсіздік орталығының маманы Елена Полянцева.
Мамандар жапырақтан құтылудың екі амалын көрсетіп отыр. Оның бірі құрылыс материалдары жиналған күресінге апару болса, екіншісі жапырақтарды бір жерге жинап, ор қазып көму. Сонда ол қарашірікке айналады.
