Өскемен мен ШҚО Өскемен тұрғындары мамырдағы мерекелерді үлкен ықыласпен атап өтпек
Биыл Отан қорғаушылар күні мен Жеңіс мерекесіне орай, ондаған мерекелік шара өткізгелі отыр
Ал мерекелік шаралар жұма күні-ақ басталмақ. 4 мамыр күні сағат 10.00-ден 14.00-ге "Ерлік тағылымы – урок мужества" атты акция өтеді. Оқушылар мен балабақша тәрбиеленушілері соғыс және тыл ардагерлерімен кездесіп, әскери-патриоттық фильмдер көрсетіледі.
Сағат 12.00-де Шығыс Қазақстан техникалық-гуманитарлық колледжінде "Ешкім де, ешнәрсе де ұмытылған жоқ" атты шара ұйымдастырылып, ардегерлермен кездесу өтеді.
Ал сағат 14.00-де "Үлбі" мәдениет сарайында тұрғындарды әскер қатарына салтанатты шақыру шарасы өтсе, сағат 15.00-де Металлургтер мәдениет сарайында гала-концерт басталады. Бұл уақытта С.Аманжолов атындағы ШҚМУ де мерекелік концерт өткізеді.
7 мамыр күні қала аумағында орналасқан №5518 және №27943 әскери бөлімдері балалар мен оқушыларға көрме ұйымдастырып, әскери техникаларды көрсетеді. Даңқ бұрышын аралатады. "Менің елім - Қазақстан", "Батырларға арналады" атты концерт өтеді.
Бұл уақытта Даңқ Мемориалы маңында, Мәңгілік алаудың Вахтасын алмастыру шарасы болады.
Сағат 11.00-де Даңқ Мемориалы маңында әскери шеру басталады. Сағат 15.00-де Орталық мәдениет үйінде классикалық музыка кеше өтеді.
Қала ипподромында сағат 15.00-де бәйге мен көкпар, қыз қуу, аударыспақ басталады. Ал Алматы тас жолында велоспорт науқаны ашылады.
9 мамыр күні сағат 10.00-де басты мереке - Қаһарман ұлт - Бессмертный полк" шеруі басталады.
Ал сағат 18.00-де Даңқ Мемориалында театрландырылған көрініс қойылады.