Өскемен мен ШҚО "Металлург" саябағындағы аттракциондардың барлығы жабылады
Саябақ ішіндегі аттракциондардың барлығын алып тастауға бір ай уақыт берілді
Саябақта заңсыз орналасқан аттракциондарды алып тастауға ШҚО ауданаралық мамандандырылған экономикалық соты үкім шығарды.
- Соттың қандай заңға сүйеніп, мұндай шешім шығарғаны белгісіз. Соттың үкімін қолға алған соң, апелляциялық шағым түсіреміз, - дейді "ВАТ" ЖШС директоры Андрей Татарников.
Андрей Татарниковтің сөзіне қарағанда, сот саябақ аумағында орналасқан барлық аттракциондарды, тіпті, дәретхананы да бір айдың ішінде алып тастауға үкім шығарған.
- Мамыр айының басында ашылып, біршама уақыт жұмыс жасап көреміз. Егер соттың шешімін қайтара алмасақ, онда оған бағынғаннан басқа ештеңе жоқ. Қалада аттракциондары бар бір-ақ саябақ бар. Ол жабылса, не болады? - дейді басшы.
Әзірше қала әкімшілігі босаған аумаққа не істейтіндігін айтпады.
