Өскемен мен ШҚО Облыстың жас ғалымдары марапатталды
Биылғы ІТ-фестивальге 53 оқушы қатысқан. Олар нанотехнология саласында зерттеу еңбектер жазған
Спорт Сарайында биыл төртінші рет өткізілген "IT-білім беру – болашаққа қадам" атты ІТ-фестиваль ұйымдастырылды. Фестивальге оқушылар сөйлейтін робот, проекция, голограмма, 3D-үлгі жасап ұсынды.
- Смартфонға арнап бағдарлама жасадым. Ол картинканы үлкейтіп көрсетуге көмектеседі. Оны жасауға жарты жылдай уақыт кетті, - дейді қатысушылардың бірі Владислав Лахно.
Семей қаласының Шәкәрім атындағы көппрофильді гимназияның Диас Қуанышев пен Асанәлі Боранғали есімді екі оқушысы фестиваль жеңімпазы атанды. Олар автономды жылыжайдың жобасын жасаған екен.
