Өскемен мен ШҚО Комендантка өзені бойындағы саяжолдың шамдары жанбайды
Саяжол бойында тұрған шамдардың жартысы жанбайды
Өскемен қаласының ірі даңғылдары мен жолдарына жарық шамдарын орнату жұмыстары аяқталуға аз қалды. Заманауи LED-шамдар қазірдің өзінде Қазақстан, Жібек жолы мен Сәтпаев даңғылдарына орналастырылды. Алайда орнатылған шамдардың кейбірі жанбайды.
Мәселен, Комендантка өзені бойындағы саяжолға қойылған фонарь шамдардың жартысына жуығы жанбайды. Тұрғындар қараңғыда қыдырып жүр.
- Шамдарды орнатқан мердігердің өзі оны ауыстыратын болады. Оған кепілдік берген, - дейді қалалық ТҮКШ бөлімінің басшысы Руфат Акрамов.
