Қазақстан халықтарының бірлігі күні облыс орталығында қалай атап өтіледі?

1 мамыр сағат 8.30-да Астана көшесінде «Мен Қазақстан патриотымын» жастар акциясы басталады. Сондай-ақ, сол күні сағат 10.00-де қаланың негізгі көшелерінде «Астанаға 20 жыл» автошеру өтеді. «Бипэк Авто - Азия Авто» компания тобының автокөліктері мемлекеттік тумен қаланы айналады.

 

Сағат 11.00-де субұрқақтардың жанындағы кішкене сахнада "Ты супер!" халықаралық телевизиялық жобасының қатысушысы Влад Лоскутов, Х-Фактор жобаның жеңімпазы Евгений Выблов және республикалық байқаулардың лауреаты Эльдар Уадинов өнер көрсетеді.

 
Сағат 14.00-де алаңда "Автоэкзотика-2018" автошоуы өтеді. Көрмеде 30-дан астам ретро-автокөліктер көрермен назарына ұсынылады.

 
Сағат 18.00-де орталық алаңда "Студенттік көктем-2018" гала-концерті өтеді. Байқауға қатысушылар "Ең үздік вокал", "Үздік би", "Оригиналды жанр", "Үздік шығармашылық нөмір", "Үздік аспаптық нөмір" номинациялары бойынша қала әкімнің кубогіне сайысады. Конкурстың басты тақырыбы - Астананың 20 жылдығына арналады.

 Сағат 21.00-де облыстық әкімдіктің алдындағы әуезді субұрқақ іске қосылады.