Семейде мотоциклшілерді қолдау үшін керемет шоу өтеді

Дәстүрлі акция Семей қаласында 29 сәуір күні өтеді. Ондағы басты мақсат – автокөлік жүргізушілердің назарын жол жүру ережелерін сақтауға аударту.

Акцияны "АвтоПромЦентр"  фирмасы мен "7 дорог" мотобірлестігі ұйымдастырады.

- Қазір күн жылынғандықтан, мотоциклшілер де жолға шыға бастады. Сондықтан да автожүргізушілерге тас жолда тек көліктер емес, өзге де көлік құралдары бар екенін еске салуды мақсат еттік, - дейді "АвтоПромЦентр" фирмасының менеджері Майра Имамукаметова. - Мотоциклшілер сағат 10.00-де жаңа көпір маңындағы аквапарк маңында жиналады. Сосын 11.00-де мотоциклшілер колоннасы қозғалысын бастап, бүкіл қаланы аралап шығады. Ал 15.00-ге дейін "Апрель" СҮ маңында түрлі байқаулар ұйымдастырылады. Колонна да сол жерге келіп тоқтайды.