Зираттарды тонап келген

Соңғы аптада Өскемен қаласының ішкі істер бөліміне түскен зираттардағы ұрлыққа байланысты шағымдар артқан. Белгісіз біреулер қалалық зираттарға кіріп, ондағы пайдаға асар бағалы заттардың барлығын тонап кетіп отырған.

- Осыған орай, Өскемен қалалық ІІБ мамандары шұғыл-алдын алу шараларын жүргізген болатын. Шара барысында 24 және 29 жастағы екі күдікті азамат қолға түсті. Тергеу барысында анықталғандай, олар ұрлыққа түн ортасында шығып отырған, - деп хабарлайды ШҚО ІІД баспасөз қызметі. 

Вандалдардың келтірген шығыны жарты миллион теңгеге тең. Өздері мойындағандай, ұрылар кірес пен өзге де заттарды егеп, түсті металл қабылдайтын орынға өткізіп отырған. Осы уақытқа дейін олардың 5 оқиғаға қатысы бар екені анықталдыү
Ал металл қабылдайтын орын иелеріне ҚР ӘПК 463-бабының 1-бөлімі бойынша әкімшілік қаулы толтырылды. 

Осы екі ұрының басқа да қылмыстарға бар-жоғы анықталу үстінде. "Ұрлық" бабы бойынша қылмыстық іс қозғалды. Әккі ұрылар бес жылға бас бостандықтарынан айырылуы мүмкін.