Өскемен мен ШҚО ШҚО Прокуратурасы: мекемелер атмосфера ауасын дұрыс бақыламай отыр
Құзіретті органның ойынша, экологиямен айналысатын мекемелер тексерісті қағаз түрінде жасайды әрі бір-бірімен тығыз жұмыс жасамайды
Былтырғы жылдың өзінде ауаға 50 мың тоннадан аса зиянды зат таралған екен. "Қазгидромет" мекемесі ауа сынамасын ала отырып, 2017 жылы 435 рет нормадан асып қауіпті қалдық сыртқы шығарылғанын анықтаған.
ШҚО Прокуратурасы Экология департаменті жағдайдан хабардар бола отыра сараптамалық жұмыстарды нашар жүргізді әрі бақылауды дұрыс орната алмады деп айыптап отыр. Ауаға қалдықтың қайдан тарап жатқанын анықталған жоқ, ешкім жауапкершілікке тартылмады. Оның үстіне, департаменттің жіберіп отырған қателігі жыл сайын қайталанады. Сондықтан облыстың экологиялық жағдайы жақсарар емес.
Облыс прокуратурасы алдағы уақытта экология саласында тексерісті күшейтуді ойлап отыр.
