Несиелік серіктестер өзгенің қарызын төлемейтін болады

Шығысқазақстандық несие алушылардың сұрағы қазір үкімет деңгейінде шешілуде

ШҚО Кәсіпкерлер палатасында несиелік серіктестер ҚР Еңбек және халықты әлеуметтік қорғау министрлігі жанындағы Жұмыспен қамтудағы белсенді шаралар басқармасының басшысы Бота Құлатаевамен кездесті.

Естеріңізге сала кетейік, 2011 жылы "Жұмыспен қамту – 2020" бағдарламасы іске қосыла бастаған. Ол кезде аудан кәсіпкерлері несиелік серіктестіктерге бірігіп, қарыз алған. "ҰК АКК Ертіс" АҚ бас оператор болған. Бірақ артынша несиелік серіктестіктер мемлекеттік қаржыны қайтара алмай қалған. Ал ұлттық компания қарызды сот арқылы өндірмек болған.

- Әкімшіліктегілер қаржыны игеру керек болғандықтан бізге несие ұсынды. Сол кезде біздің ешқайсымыз да қандай былыққа батарымызды сезбеген едік, - дейді "Бiрлiк Зырян" НС қатысушысы Әсия Ахметова. - Ал НС қатысушыларының кейбірі қарызды өтемегендіктен, қарызын уақытылы өтеп отырғандардың мүлкі мен есепшттары тәркіленді.

Бота Құлатаева үкімет бұл мәселені шешу үшін қажетті шараларды қабылдап жатқандығын жеткізді.

Тақырыптар: Кредитные товарищества в Казахстане Кредитная система в Казахстане Кредиты в Казахстане Палата предпринимателей ВКО АО "НК "СПК "Ертiс"