Басшылардың бейресми тапсырмалары наразылық тудырды

Мемлекеттік қызметкерлер өз міндетінен тыс атқаратын жұмыстар үшін шағымдануда

Облыстағы мемлекеттік қызмет саласындағы бақылау басқармасы мемлекеттік қызметкерлер арасында арнайы сауалнама жүргізген. Сауалнама нәтижесінде қызметкерлердің 15%-ы міндетінен тыс жұмыстарды атқаратындығы үшін шағым түсірген. Бұл басшылардың ресми түрдегі емес, ауызекі тілде айтылатын тапсырмалары екен.

Сондай-ақ, 54%-ы медициналық қызметтердің сапасына көңілі толмаса, 46%-ы мемлекеттік қызметкерлерге көрсетілетін медициналық қызмет сапасына шәк келтірмейді.

- Сауалнама нәтижесіне тағы қосарым, мемлекеттік қызметкерлердің 77%-ы өздерінің және отбасы мүшелерін медициналық қызметпен толық қамтамасыз етілгенін қалайды, - дейді ШҚО мемлекеттік қызмет саласындағы бақылау басқармасы басшысының орынбасары Ернар Ташенов.

ШҚО-ның Әдеп жөніндегі кеңес мүшелері алдағы отырыстарда мемлекеттік қызметкерлердің жұмыс уақытына байланысты регламентін ортаға салмақ. Бұл әсіресе, басшының нұсқауынсыз түнгі уақытқа дейін үйлерінеқайта алмай, жұмыс орнында отыратын қызметкерлерге қатысты болмақ.

Тақырыптар: Жалобы на чиновников в ВКО Чиновники ВКО Областной Департамент Агентства РК по делам госслужбы