Семейдегі мұзды жарған мердігер лицензиясынан айырылуы мүмкін

Семейдегі Ертіс өзеніндегі жарылыс жұмыстары барысында елеулі оқиғалар орын алған болатын. Ал салдары туралы облыстық әкімдіктегі Әдеп жөніндегі кеңесте айтылды.

Суды мұздан тазартуды өз мойнына алған «Востоквзрывпром» компаниясына
енді мұндай жұмыстарды орындауға тыйым және айыппұл салу мәселесі төніп тұр.

Дегенмен, бұл тек әкімшілік шаралар ғана болмақ.

- Біз жоспардан тыс тексеруді бастадық және рұқсатты қайтарып алу туралы уәкілетті органмен құжаттарды ұсынамыз, - деді ШҚО Өнеркәсіптік даму және өнеркәсіп қауіпсіздігі департаменті басшысының міндетін атқарушы Андрей Измаилов.

Естеріңізге сала кетейік, өз кезегінде облыстық прокуратура бұл мәселені қадағалауда.