Өскеменде ойыншық тапаншамен екі ер адам дүкенді тонап кетті

Жақында әйел адам Защита аймағында дүкеннің тоналғандығын хабарлап, полицияға көмек сұрап келген.

Медициналық маскадағы екі белгісіз адам азық-түлік дүкеніне кіріп, тапаншаға ұқсайтын нысанмен қауіп төндіріп, ақша ұрлап кеткен. Оқиға кезінде сауда алаңында бір әйел ғана болған.

- Полиция жәбірленушімен сөйлесіп, ішкі бейнебақылау камерасының жазбаларын зерттеді, - деп түсіндірді ШҚО Ішкі істер департаментінің баспасөз қызметі.

Полиция қызметкерлері қарақшыларды анықтап, ұстады.