Жолаушыларды тасымалдаушылар автобустарды облыстық сот алдына тізді

Әңгіме төрт ірі автобус парктеріне салынған салықтық қосымша ақылар туралы болып отыр. Егер бұл шешім күшінде қалса, 30 күн ішінде салық органдары тасымалдаушылардың мүлкін тартып алмақ.

Сот басталғанға дейін төрт ірі автопарк басшылығы, атап айтсақ "РОСТ" ЖШС, "АТЦ БЭСТ" ЖШС, "Vosca" ЖШС, "Вебас" ЖШС қаладағы автобустардың 90%-ының қозғалысын тоқтататынын мәлімдеген.

Прокурор сот отырысында көлік тасымалдаушыларының емес, ең бірінші бағыттардың тоқтауынан зардап шегетін Өскемен қаласының тұрғындары мүдделерін қорғайтынын еске салды.

Ал автобус парктерінің басшылары өздері сотқа беру үшін ақша жетіспейтінін айтады. Себебі, мемлекеттік баж салығы 39 миллион теңгені құрады және өткен жылы аталған төрт кәсіпорын шығындармен жұмыс істеп келген екен.

Тасымалдаушылар жергілікті билік тарапынан қолдау тапты. Сот ғимаратында тұрғын үй-коммуналдық шаруашылық басқармасының өкілдері автобус бағыттарын тоқтату қоғамның дүрлігуіне себеп болатынын айтты.

 
Бұл жолы сот прокуратураның жағына шығып, бұрынғы анықтаманы жойды. Жолаушыларға салынатын салық бойынша қосымша шығындар жоғары сатыдағы сотқа жіберіледі.

 Парк басшылары бұрынғы режімде жұмыс істейтін болса, ешқандай шектеу болмайтынын айтты. Кәсіпкерлер келесі сотты, сондай-ақ мемлекеттік бюджеттің субсидия мәселесін қарайтын арнайы комиссия шешімін күтіп отыр.