Өскемен мен ШҚО Өскеменде екі ай бойы тал егу науқаны өтеді
Ал көшенің шаң-тозаңын санитарлы жол арқылы тазалауға ұмтылған науқан болса, осы айдың ортасынан бастап бастау алмақ
Бұл екі айда 19-шы шағын аудан мен Карл Маркс даңғылы, Көкжал Барақ көшесінің батыс жағы мен Есенберлин көшесі бойында тал отырғызылмақ.
Сонымен қатар, Белинский мен Бажов көшелеріне де, Қазақстан-Америка еркін университеті ректораты маңында да талдар егілмек.
- Бұл жолы біз маңайдағы кәсіпорындар мен мекемелерге аумақ бөліп бермекпіз. Бөлінген аумаққа ол мекемелер күтім жасайтын болады. Біз де Бажов маңындағы саяжолға күтім жасауға әзірміз, - дейді университеттің проректоры Ерсаин Набиев.
Қаланың көркеюіне үлес қосқысы келген кез келген адам аталған аумақтарға барып, тал отырғызуына болады.
