Өскемен мен ШҚО Шығыс Қазақстанда балық аулауға тыйым салынады
Балық аулауға шектеу балықтардың уылдырық шашу және көбею кезеңінде енгізіледі
Сәуір айында-ақ өңірдің бірқатар жерлерінде балық аулауға тыйым салынады.
ШҚО орман және жануарлар дүниесі аумақтық инспекциясының мәліметтері бойынша, Алакөл және Сасықкөл көлдерінде және олардың барлық салалары мен жағалауларында, сондай-ақ, Үржар, Бесқопа, Ырғайты, Теректі, Тентек, Қатынсу, Емел, Ұялы, Қаракөл, Женешкесу, Шынжылыда балық аулауға сәуір айының 10-нан 1 маусымға дейін тыйым салынады.
- Аягөз өзенінде 15 сәуірден 1 маусымға дейінгі кезеңде балық аулауға болмайды, - деп толықтырды мекемеде. - Зайсан көлінде және Бұқтырма су қоймасында (Каракастан Батинскийға дейін) 16 сәуірден 30 мамырға дейін балық аулауға тыйым салынады.
