Прокуратура Семей қаласын су басуға байланысты тексеріс жұмыстарын бастады

28 наурызда Шүлбі ГЭС-інен секундына 500-ден 1800 куб метрге дейін үш еселік көлемде су жіберілді

ШҚО Прокуратурасы Шүлбі ГЭС-і су жібергеннен кейін Ертістегі су деңгейі межеден асып, 525 сантиметрге жеткенде Семейді су басып қалғанынан нақты кім кінәлі екенін анықтайды. Су басу салдарынан Полковничий аралынан 192 адам көшірілген болатын. Қазір Бесқарағай ауданындағы Ескі қамал, Стеклянка, Глуховка, Бірлік және Белокаменка ауылдарын да су басу қаупі төнген.

Кеше облыс әкімдігінде жиналыс өтіп, өңір басшысы Даниал Ахметов Ертіс бассейндік инспекциясы Ертістегі су деңгейіне мониторинг жүргізбегенін, Шүлбі ГЭС-і суды жоспардан тыс көлемде жібергенін мәлімдеді. Өйткені жаңбыр жауып тұрғандықтан, су басатындығы айтпаса да түсінікті еді.

Осы орайда өз жұмысына салғырттық танытқандардың барлығы жауапқа тартылатын болады.

Тақырыптар: Прокуратура начала проверку по факту затопления Семея Паводки в ВКО Департамент по ЧС ВКО Аким ВКО Даниал Ахметов