Өскемен қаласының көлік жүргізушілері үшін арнайы бейне-оқыту шығарылды

Жүргізушілерге арналған бейнеролик Қоғамдық кеңестің Instagram әлеуметтік желісінде жарияланды. Азаматтардан бейнероликте қандай мәселер бойынша түсіндірулер керектігі алдын ала сұралған.

- Біз 100-ге жуық ұсыныстар алдық. Полиция және Өскемен қаласының әкімдігімен бірлесе отырып, түсіндірме бейне сериясын жасауға шешім қабылдадық, - дейді Өскемен қаласы Қоғамдық кеңестің төрағасы Станислав Каримов. - Бүгін біз Абай даңғылы мен Бажов көшелері қиылысындағы бағыттарды түсіндіру бойынша бейнені аудиторияға ұсындық.

Қоғамдық кеңестің белсенділері азаматтардан келесі бейнеролик бойынша пікірлерін күтеді.