Семейде 97 адам қауіпсіз жерге көшірілді

Ертіс өзені арнасынан асып, су жайылып кеткендіктен Полковничье аралының тұрғындары үйлерінен кетуге мәжбүр

Эвакуацияланған тұрғындар екі қонақ үйге орналастырылса, алты адам үйлерінен кетуге бас тартқан.

- Қазір құтқарушы күштер "Қыран ұясынан" "Биологиялық орталыққа" дейінгі автокөлік жолына құм төгіп жатыр, - деп хабарлайды ШҚО ТЖД баспасөз қызметі. - Жұмыстарға 35 құтқарушы мен 10 техника жұмылдырылған. Сонымен қатар, құтқарушылар Восточное кентінің тұрғындарына түсіндіру жұмыстарын да жүргізуде.

Осы оңтайлы сәтті ұрылар мен қаңғыбастар оңынан пайдаланып қалмауы үшін Семей ІІБ қызметкерлері де көмек көрсетуде.

Тақырыптар: Спасатели ВКО ДЧС ВКО Паводки в ВКО