ШҚО-да дәрі-дәрмек сатып алудың нәтижесі заңсыз деп танылды

Облыстағы екі кәсіпорын өкілі "Келун-Казфарм" ЖШС және "Асфарм" ЖШС өз құқықтарын қорғау мақсатында ШҚО кәсіпкерлер палатасына жүгінген. Олар Ана мен бала орталығы, ШҚО ауруханасы және Риддер қалалық ауруханасы ұйымдастырған мемлекеттік сатып алулардың нәтижелерімен келіспей отыр.

- Өтініш құжаттарын зерделей келе, дәрі-дәрмектерді сатып алуды ұйымдастыру мен өткізу ережелерінің талаптары бұзылған деген қорытындыға келдік. Мысалы, "Келун-Казфарм" ЖШС осы сатып алуға отандық өндіруші ретінде қатысты. Бұл тиісті құжаттармен расталады, - деді кәсіпкерлердің құқықтарын қорғау және әкімшілік кедергілер жөніндегі екінші санатты сарапшы Исатай Қайырғазы.

Алайда, шетелдік өнімді алып келетін басқа компанияға артықшылық берілген. Жеңімпаз компаниямен дәрілік заттарды сатып алу туралы келісім жасалынды.

 Нәтижесінде, мемлекеттік сатып алулардың қорытындысы жарамсызсыз деп танылып, келісім-шарт тоқтатылды.