Өскеменде өрт сөндіруші әйелді өрттен құтқарды

Өрт кеше сағат 19.40-да бес қабатты ғимараттың төртінші қабатында болған.

- Ас үйдегі жиһаздар мен тұрмыстық техникалар отқа оранған, - деп хабарлады Өскемен қалалық ТЖБ. - №2 ӨС қызметкері Данабек Рахимов үйдің бір бөлмесінде диванда жатқан егде жастағы үй иесін тауып және оны пәтерден алып шықты. Алғашқы көмек көрсетіліп, азаматша №1 қалалық аурухананың жан сақтау бөліміне жеткізілді. Әйелдің көмірқышқыл газымен уланғаны анықталды.

Өрт сөндіру жұмыстарына 4 техника мен 16 қызметкер қатысты. Өрттің жалпы ауданы сегіз шаршы метрді құрады.