Мекеменің мүлкін тонап кеткен

25 наурыз күні тағыс сағат 9.00 шамасында "102" арнасына хабарласқан Өскемен қаласындағы мекемелердің бірінің қызметкері ұрлық болғанын мәлімдеген. Оның айтуынша, Наурыз мерекесіне орай берілген демалыс күндерінде мекеменің дарбазасына белгісіз біреулер рұқсатсыз кірген. Сөйтіп, 20 терезенің темір торын шешіп алып кеткен. Алдын ала есептелген шығын көлемі 100 мың теңге. 

Өскемен қалалық ІІБ Солжағалау аудандық полициясы қызметкерлерінің шұғыл іздеу жұмыстары нәтижесінде 32 және 35 жастағы екі күдікті анықталды. ШҚО ІІД баспасөз қызметінің ақпараттарына сүйенсек, олар бұрын да осы сынды қылмыстары үшін жауапқа тартылған екен. Қазіргі таңда "Ұрлық" фактісі бойынша сотқа дейінгі тергеу шаралары басталды.