ШҚО-да су тасқынынан үйі құлағандарға баспана берілмек

Облыста су басқан аудандардан 400-ден аса адам эвакуацияланды. Глубокое ауданындағы Тархан, Прогресс, Белоусовка, Предгорное және Глубокое ауылдарын су алды.

Ал сенбі күні кешке аудандағы жағдаймен танысып қайтуға барған облыс әкімі Даниал Ахметов судан зардап шеккен тұрғындардың барлығына көмек көрсетілетіндігін жеткізді.

- Арнайы комиссия құрылып, шығындар есептеліп жатыр. Егер үйіңіз жөндеуге келетін болса, онда жөндейміз. Ал егер жөндеуге жарамаса, жаңадан баспана сатып береміз, - деді әкім ауыл тұрғындарымен кездесу барысында.

Глубокое ауылында Глубочанка өзені арнасынан асып, орталық Ленин көшесі бойында шағын көпірден асып, маңайдағы үйлерді кіріп кеткен.