Өскемен мен ШҚО Қала тұрғындары "Император" сауда үйі маңында Наурыз мейрамын атап өтті
Тұрғындар мерекелік концерт тамашалап, наурыз көжеден дәм татты
Өскемен қаласының түкпір-түкпірінде Наурыз мейрамы тойланып, халықтың көңілі қуанышқа толуда.
Ал бүгін "Император" сауда үйі қала тұрғындарының көңілін көтеру мақсатында Ұлыстың ұлы күні Наурыз мейрамын атап өтті. Ұйымдастырушылар қазақтың ұлттың тағамы наурыз көже дайындап, мерекеге келген үлкен-кішінің бәрін тамақтандырды. Наурыз көжені "Поляна" көңіл көтеру орны әзірлесе, чак-чак тәттісін "Кондитер плюс" фирмасы дайындаған.
Халықтың көңілін көтеру үшін Достық Үйінің этномәдени бірлестік әртістері өнер көрсетіп, халық биі мен халық әнін орындап, шоу-бағдарлама жасады.
- Наурыз мейрамының ерекшелігі бар. Бұл – адамдарды жақындастырып көрістіретін жылуы мол мейрам. Ауа райы тұнжырап тұрса да, халықтың көңілі қуанышты, - дейді қала тұрғыны Светлана Рахимова.
