ШҚО-да қарақшылық жасаған күдіктілер ұсталды

Бұл қарақшылар 8 наурыз күні Өскемен қаласындағы ауқатты адамның үйін тонап, 15 млн теңгеден асатын алтын әшекейлері мен бұйымдарын қолды қылған болатын

Ал 59 жастағы үй иесін байлап тастап, оған қоқан-лоқы көрсеткен. Онымен қоймай шектен шыққан қарақшылар тоналған заттарды үй иесінің көлігіне тиеп қашқан.
Байлаудан босаған зардап шегуші полицияға хабарласып, оқиғаның қас қағымда болғанын айтқан. Тәртіп сақшылары қарақшыларды ұстау жоспарын құрып, "Каменный карьер" ауданында ұрлап қашқан көліктерін тауып алған.

- Тергеу барысында 23 жастағы және 31 жастағы ШҚО-ның екі тұрғыны мен 35 жастағы Алматы облысының азаматы ұсталды. Оның екеуі бұрын сотты болған, - дейді ШҚО ІІД баспасөз қызметі.

Күдіктілер қазір қамауға алынды.

Тақырыптар: Разбойное нападение в ВКО Правоохранительные органы ВКО