Қатардағы жауынгер жарақат алды

Оқыс оқиға 13 наурыз күні 00.40 шамасында орын алды. 

- Кезекшілік қызметте ауысым кезінде қатардағы жауынгер  Умарханов Ертуган Ержанович өзіне бекітілген қарумен өз-өзін жаралап алған, - делінген "Оңтүстік" БҚР баспасөз қызметінің хабарламасында.

Зардап шеккен азамат шұғыл арада Қапшағай қаласындағы ауруханаға жатқызылды.
Аталмыш фактіге байланысты қылмыстық іс қозғалды, тергеу амалдары жүргізілуде. Алдын ала болжам бойынша, қаруды ұстау барысында қауіпсіздік шараларын сақтамау нұсқасы қарастырылуда.