Белгілі қазақстандық әртіс Өскеменде өнер көрсетпек

Өскемендіктер сұлулықтың шынымен әлемді құтқаратындығын дәлелдемек. Кішкентай модельдер өз шығармашылықтарымен қатерлі ісікпен ауыратын балақайларға өмір сыйлағысы келеді. Ұйымдастырушылар қайырымдылық мақсаттағы сұлулық байқауының соңы керемет шоуға айналатындығын айтады. Себебі сахнада модельрден басқа атақты қазақстандық әнші Парвиз Назаров болады.

 Наурыз мейрамына орай игілікті істер жасау бойға сіңген. Облыс орталығында осы жарқын мерекеде Inkar Sezim A$S Models School модельдері мектебінің ұйымдастырған сұлулық пен талант байқауы өтеді.
 
Барлық қаражат ракпен күресіп жатқан үш балаға берілмек: Арсений Снегов, Райана Сковородникова және Богдан Унру.

 Әр адам балалардың өмірін құтқаруға көмектесе алады. Қайырымдылық акциясы 22 наурыз күні, сағат 16.00-де ШҚО драма театрында өтеді. Билет құны - 1000 теңге. Ақпарат үшін телефон нөмірі: 8-705-281-81-01.