Өскемендегі субұрқақтар жөнделе бастайды

Қар ери бастағалы қаладағы өңсіз құрылымдардың сиқы ашылып жатыр. Мәселен, Гагарин бульварындағы субұрқақтың айналасындағы тақталар сынып жатыр.

Өскемен қалалық ТҮКШ, жолаушылар тасымалы және автомобиль жолдары басқармасындағылар субұрқақтың жақын уақытта жөнделетіндігін айтты.

- Қаладағы барлық субұрқақтар біздің баланста. Қысқы мезгілде біз оларды қираудан сақтаймыз, - дейді мекеме басшысы Руфат Акрамов. - Біз оларды қар еріп, күн жылына бастағанда жөндейміз. Жөндеу жұмыстары сәуір айында басталар. Ал күн суытпаса субұрқақтар мамыр айында іске қосылып қояды.