Өскеменде ЖКО куәгерлері іздестірілуде

Тәртіп сақшылары жол-көлік оқиғасының куәгерлерін іздестіруде.

ШҚО ІІД баспасөз қызметінің ақпараттарына сүйенсек, 8 наурыз күні белгісіз біреу Леваневский көшесі, 17 мекенжайына жақын жерде 20.30 бен 21.30 аралығында  Nissan Qashqai көлігіне соғылып, оқиға орнынан кетіп қалған.

Келесі күні осы сынды ЖКО Тәуелсіздік даңғ., 61/1 үйінің маңында орын алған. Яғни, 9 наурыз күні 16.00 мен 11.00 аралығында белгісіз жүргізуші  Honda CR-V көлігіне соғылған.

Осы оқиғаларға қатысты қандай да бір ақпарат білетіндер болса, ШҚО ІІД-нің Жергілікті полиция қызметіне  77-47-87 нөміріне немесе 77-70-81 кезекшілік бөліміне хабарласуды өтінеді.