Өскемен мен ШҚО Аптаның соңында Өскеменде күн жылынады
Көктемнің алғашқы күндері қала тұрғындарын біраз әбірге салғаны белгілі
Синоптиктердің болжамы бойынша, күндіз ең жоғарғы ауа температура 3-10 градусқа жетеді.
Қалалық әкімдіктің хабарлауынша, ЖМК, Жыланды, Аблакет, Самсонов және Красин аудандарына жақын тауларда қар қарқынды түрде ери бастайды.
- Әсіресе, ЖМК ауданындағы жағдай қиын. Онда тау бұлақтарының сулары аудан көшелеріне жайылады, - деп Өскемен қаласы әкімдігінің баспасөз қызметі хабарлайды. - Қазір ол жерде техникалар жұмыс істеуде. Олар беткейлік жібіген суды бұру үшін арықтар жасауда.
Сондай-ақ, ойпаң жерлерде орналасқан көшелер мен шағын аудандардан қарды шығару жұмыстары жалғасын табуда.
