Өскемен мен ШҚО ШҚО-ның тағы бірнеше ауданында су тасуы мүмкін
Тарбағатай, Шемонаиха аудандарында өзен суы көтеріліп, маңайға жайыла бастаған
Тарбағатай ауданында Базар өзені жазыққа жайылған. Төрт үйдің ауласына жақындап, қора-қопсының ішіне кіріп кеткен.
- Құтқарушылар су бұрып жатыр. Өзен арнасына құм толтырылған мөшектерді төсеп, тас пен құм себуде. Мұнда 35 адам мен 5 техника жұмыс жасап жатыр, - дейді ШҚО ТЖД.
Ал Шемонаиха ауданында Верх-Уба ауылындағы төрт үйдің ауласына су кірген. Мұнда қазір аудан әкімдігі жұмыс жасап жатыр.
Ал Аягөзде 74 адам мектеп ғимаратына қоныстандырылып, 70 адам туған-туыстарына жіберілген. Қалған 260 адам қайтадан үйлеріне қайтып оралған.