Өскемен мен ШҚО Күршімге газ тартыла ма?
Зайсан ауданында газ шикізатының шығуы тек жергілікті елді мекенді емес, көршілес аудандарды да қуанышқа бөлегендей
Соңғы жылдары өз өңірін толықтай дерлік қамтып болған аудан, енді газ көзін Күршім, Тарбағатай аудандарына тартуы мүмкін деген сөз жиі айтылып келеді. Күршім ауданының әкімі Сейсенғазы Чукаев есеп беру отырысында бұл туралы өз пікірімен бөлісті.
- Былтыр қыркүйек айында облыс әкімі бірқатар бағдарламалар бекіткен, - дейді аудан басшысы. - Мұнда біздің 3,3 миллиард теңгені құрайтын екі жобамыз кірді. Осыған орай Күршім ауданының 14 мың халқын газбен қамтамасыз ететін 221 шақырым құбыр тарту туралы жоба құрылды. Тек құбыр емес, газды құйып тасымалдау сұрақтары да қарастырылуда.
Аудан әкімінің айтуынша, бұл жоба шекаралық аймақтың дамуына үлкен септігін тигізер еді. Шалғайда жатқан елді мекенге жететін көмір, отын бағасы біршама қымбат. Ал жаңа жобалар елдің әлеуметтік жағдайын оңтайландыруға тек жақсы әсер етпек.