"Өскемен Тәртіп" кәсіпорнының есепшілері де қар тазалауға шықты

Бухгалтерлермен бірге бас экономист, мемлекеттік сатып алу мен кадр бөлімінің қызметкер мамандары, хатшы да қар тазалауға атсалысып жатыр.

- Қар тазалауға жұмысшылар жетпей жатыр. Сондықтан мамандар да жұмысшыларға қолдау білдіру үшін далаға шықты. Түскі астан кейін көшеге шыққан мамандар сағат 16.30-ға дейін қар тазалады, - дейді "Өскемен Тәртіп" МКК баспасөз хатшысы Әсел Ахметжанова.

Мамандар Қазақстан көшесі, 27-үй мекенжайы маңында орналасқан аялдаманың қарын күреген.