Шығысқазақстандық алаяқ өзін ҰҚҚ қызметкерімін деп таныстырған

 
Катонқарағай ауданының тумасы ауылдасының ұлы сыбайлас жемқорлық фактісі бойынша айыпталып, бас бостандығынан айырылғанын облыс орталығына келіп білген соң,  бұл жағдайды пайдаланып қалмақшы болған, - деп хабарлайды Устинка LIVE тілшісі. 

Ер адам ұлының тағдырына алаңдаған әкесінің әрі ауылдасының телефон нөмірін тауып, өзін "ҰҚК қызметкерімін" деп  таныстырған. Ол қылмыстық құжатпен танысқандығын, сондай-ақ, жәбірленушінің ұлы кінәсіз әрі өзінің көмектесуге дайын екенін жеткізген. Сондай-ақ, жас жігітті қапастан шығаруға 210 мың теңге қаражат талап еткен. Жәбірленуші ұлына көмектесу мақсатында ақшаны алаяққа берген. Тек алаяқтықтың арбауына түскенін білгеннен кейін барып сотқа жүгінген. Аудандық №2 сотының баспасөз қызметінің хабарлауынша, бұл - алаяқтың өзін адамдарға Ұлттық қауіпсіздік комитетінің қызметкері ретінде таныстырып, ақша алған бірінші қылмысы емес. 

Қылмыскер сот залында өзінің кінәсін толық мойындап, 3 жыл 7 айға дейін бас бостандығынан айырылды.