Өскемен мен ШҚО ШҚО дәрігерлері шетелде оқуды жалғастырады
Өңірде денсаулық сақтау саласын цифрландыру бағдарламасын құрып, дәрігерлердің біліктілігін шетелде арттыруды жалғастыру көзделуде
Облыс әкімі Даниал Ахметовтың айтуынша, облыстағы ауруханалардың цифрландыру деңгейі өте төмен. Лайықты мекемелердің тек 21 пайызы ғана өздеріне арнайы ақпараттық жүйелер енгізген.
- Былтыр Денсаулық сақтау басқармасы медицина саласын цифрландыру бойынша жұмыс жасамады, - дейді облыс басшысы халық алдында есеп беру барысында. - Бұл - республика бойынша ақпараттандырудың ең төменгі пайызы. Өкінішке орай, 2017 жылы облыстық бюджеттен бір миллиард теңге бөле отырып, жүзеге асырылмай қалған мемлекеттік сатып алудан техника өндіре алмадық.
Осыған байланысты Даниал Ахметов өзінің орынбасары мен Денсаулық сақтау басқармасы басшысына цифровизациялаудың кешенді бағдарламасын құрып, үш жылдық жоспарды жүзеге асыруды, дәрігерлерді шетелде оқыту бағдарламасына үлкен ден қойып, медициналық мекемелерді заманауи технологиямен қамтамасыз етуді тапсырды.
2017 жылы аудандық ауруханалардың 1922 жұмысшысы оқудан өтіп, 13 шеберлік сыныптары өткен. 22 қызметкерлер білім алса, 51 маман Ұлыбританиядан білім алып келді.