Тәжірибелі пәтер ұрылары қолға түсті

33 және 28 жастағы күдіктілер Өскемен қалалық ІІБ-ның уақытша қамау изоляторына тоғытылды.

- Анықталғандай, ұрылар үй иелерінің жоқтығына көз жеткізіп, үйге ұрлыққа түсіп отырған. Ондағы цифрлық техника, зергерлік бұйымдарды ұрлап, оларды сатып отырған, - деп хабарлайды ШҚО ІІД баспасөз қызметі. - Жалпы келген шығын көлемі 600 мың теңге. Сотқа дейінгі тергеу басталды.

Қазір тәртіп сақшылары күдіктілердің қаладағы осындай басқа да қылмыстарға қатысы бар-жоғын анықтауда.