Өскеменде сенбі күні қысқы авторалли өтеді

Ice Sprint раллиі осымен бесінші жыл қатарынан өтіп отыр.

- Жарыс Кендік емес материалдар комбинаты ауданындағы жағажайда, сағат 11.00 шамасында өтеді, - дейді жарысты ұйымдастырушы Александра Осипова. - Сайысқа алды, арты тартатын және толық жетекті автокөліктер қатысады. Жарысушылардың мақсаты көрсетілген қашықтықты барынша жылдам игеру. Жеңімпаздар демеушілердің кубогі, грамота және бағалы сыйлықтармен марапатталады.

Жарысқа қатысу үшін ҚР Автомотоспорт федерациясының лицензиясы, дәріқұты, өртсөндіргіш пен белбеу керек. Мұнымен қоса 10 мың теңге көлемінде жарна төленеді. Жарысқа қатысу үшін бүгін Абай даңғылы, 20 мекенжайы, 406-кеңсеге кешкі 18.00-ге дейін жазылу керек. Барлық ақпараттарды 8-777-987-99-04 телефонынан білуге болады.