Өскемен мен ШҚО Бұқтырма су қоймасында браконьерлер ұсталды
Екі балықшыға су қоймасында заңсыз құрал-саймандарды пайдаланғандығы үшін айыппұл салынды
Су қоймасына іргелес ауылдың екі тұрғыны балық аулау ережелерін өрескел бұзғандығы себебінен жауапкершілікке тартылды.
- Бұқтырма су қоймасында заңмен тыйым салынған синтетикалық моножіптен дайындалған ауды пайдаланған екі азамат ұсталды, - деп хабарлады Көкпекті аудандық №2 сотының баспасөз қызметі. - Заңбұзушылардан осындай 400 метр құрылғы тәркіленді.
Балықшыларға 48100 теңге мөлшерінде айыппұл салынып, балық аулау құралдары тәркіленді. Сондай-ақ, олар мемлекетке келтірілген залалды өтеуі тиіс.