Коммуналды қызметкерлер қоқыс жәшіктерінің неге тазаланбағанын түсіндірді

Анықталғандай, үйілген қоқыстың астында қалған жәшіктер барлық аулаларда кездеспейді. Кейбір өңірлерде тұрақты түрде тазалық жұмыстары жүргізіліп тұрған.

«Өскеменспецкоммунтранс» қоқыс «ақырзаманының» қатты аязға байланысты орын алғанын айтады. Қатты аязға тіпті техника да шыдап бақпаған.

- Таңертең барлық көліктер учаскелеріне шығады. Бірақ кейбір аудандарда техникалар сынып қалды, - дейді «Өскеменспецкоммунтранс» директорының орынбасары Жұпар Қожахметова. - Қаланы шамамыз келгенше тазартып тұрдық.

Қатты аяздың беті қайтып, қазір коммуналды қызметкерлер қоқыс жәшіктерін тазартуға бар қауқарын салуда.