Өскемен мен ШҚО Өскеменде кафеде қызға «қырыңдаймын» деп төбелес шығарған жігіт сотталды
Күршімнің 30 жастағы тұрғыны кафеде қызбен таныспақ болып, төбелес шығарып, күзетшіге пышақ салған
2017 жылдың 19 қарашасында кафеге достарымен демалуға барған жігіттің әрекеті оны сот залынан бір-ақ шығарды. Араққа тойып алған жігіт ағасы көрші үстелде отырған қызға «қырыңдаған». Ал қыздың жанында жігіті болған. Екі еркектің кикілжіңі төбелеске ұласып, оларды кафе күзетшісі сабырға шақырмақ болған.
Алайда мас күршімдік жігіт пышақ алып шығып, қарсыласын тоқтатамын деп, күзетшінің сол қолына сұғып жіберген. Қуанышқа орай, күзетші жігіт ауыр жарақаттанған жоқ. Сондықтан сот залында бұзыққа ауыр жаза бермеуін өтінген.
№2 Өскемен қалалық сотының баспасөз қызметінің мәліметтеріне сүйенсек, төбелес шығарған жігіт 4 жыл бас бостандығынан айырылған.
