Сырқаттық парақша алған оқушылар тоқсандық өзіндік жұмыс жасай ма?

Редакцияға Өскемен қаласының тұрғыны хабарласып, баласы мен оның сыныптастарына өзіндік жұмыстар жазғызып жүргенін айтқан. - Қызым бірінші сыныпта оқиды. Сынып жетекшісі «ауырып жатсаңдар да тоқсандық өзіндік жұмыс жазу үшін мектепке келу керек, себебі мұғалімдерде балалардың аттестациясын жабатын мерзім бекітілген» деп айтқан, - дейді қала тұрғыны. - Егер бала келмесе оның ағымдағы баллына сүйене отырып бағаланатынын айтқан. ШҚО Білім басқармасы бұл жаңалықты жоққа шығарды. - Егер оқушы белгілі себептермен сабаққа екі апта келмесе, бала келген соң сомативті бағалаудан өтеді, - дейді мекеме басшысының міндетін атқарушы Айгүл Байжанова. Бас педагогтың айтуынша, оқушы тоқсандық өзіндік жұмысты жазбаса, аттестацияланбайды.