Құтқарушылар аязда жолда қалған тұрғындарға қол ұшын берді
Астанадан Өскеменге келе жатқан жүргізуші мен үш жолаушы Семей-Курчатов тас жолында тұрып қалған
22 қаңтар күні түнгі сағат төрттерде көліктері аяздан қатып тоқтап қалған жолаушылар 112 құтқарушылар каналына хабарласып, көмек сұраған.
Ал оқиға орнына шыққан ЗИЛ 131 көлігіне отырған құтқарушылардың бірінші тобы жолаушыларға жетпей жолда тоқтап қалған.
- Бірден екінші көлік жіберілді. Төтенше жағдайлар мамандары оқиға орнына жедел түрде келіп, төрт адамды жылытып, қатып қалған көлік Семей қаласына дейін жеткізіп салды, - дейді көлік жүргізушісі Артем Нестеров.
Ал құтқарушылар оқиға орнына келгенше диспетчер мән жағдайды қайта-қайта сұрап, байланыс орнатып отырған.