Өскемен мен ШҚО ШҚО-да өрт сөндірушілер үйді жарылудан құтқарып қалды
Өрт сөндірушілер жанып жатқан үйдің ішінен газ баллонын алып шыққан
Семей қаласындағы Соснов көшесіндегі жер үйлердің бірі өртеніп, көршілердің үйіне қауіп төндірген. Ал үйде ешкім болмаған. Өрт сөндірушілерге көршілер хабарласқан.
Құтқарушылар оқиға орнына келгенше, үйдің ас үйі мен төбесі өртке оранып үлгерген екен.
- Өрт сөндірушілердің бір тобы үйдің төбесін өшірсе, бір тобы дем алғыш аппарат киіп, үйдің ішіне кіріп, ас үйді өшіре бастады. Ал ас үйде газ баллоны тұр екен. Қызметкерлер ойланбастан, газ баллонын бірден сыртқа алып шыққан, - дейді ШҚО ТЖД баспасөз қызметі.
Өртті сөндіруге жеті адам мен екі техника жұмылдырылған.
