Өскемен мен ШҚО Өскемен мен Семейде бейнебақылау камералары орнатылады
Бейнеқондырғылар қаладағы барлық аулаларға қойылады
Өскемен мен Семейде «Қауіпсіз қала» атты жоба іске қосылмақ. Ол бойынша аулалар мен көшелерге бейнебақылау камералары орналастырылатын болады.
- Мұндай жоба елдің ешбір қаласында жүзеге аспаған. Тек Астана қаласындағы көшелердің бойында ғана бейнебақылау камералары орналастырылған. Алайда аула мен үйдің кіреберісіне камера ешқашан қойылып көрмеген, - дейді облыс әкімі Даниал Ахметов.
Бейнебақылау камерасы, ең алдымен, қылмыс көп болатын аула мен аудандарда орналастырылады. 17 мың көше шамы қуат үнемдеуші шамдарға ауыстырылмақ. Ал бұрынғы шамдар тұрғын үйлердің кіре берістеріне қойылады.