Өскемен мен ШҚО Өзін ПИК қызметкері деп таныстырған адам ауылдастарын тонап кеткен
Жаңа жылдан соң Жаңа Бұқтырма ауылының тұрғыны қаржылық жағдайын «жөнге келтіріп» алмақ болған
Қарт адамдардың пәтеріне кірген соң олардың көңілін алдап, үйдегі сөмкелер мен сырт киімдерді ақтарған ұры ақша ұрлап кетіп отырған.
Қылмыскердің алғашқы құрбаны 73 жастағы әйел. Күндіз 15.00 шамасында жергілікті ПИК қызметкері-мыс есіктен қоңырау шалған. Әйел адамның көңілі алаңдаулы болғанда, ұры үйдегі сөмкеден бес мың теңге жымқырып кеткен.
Екінші құрбан Жаңа Бұқтырма ауылының 55 жастағы тұрғыны. Әдеттегідей өзін коммуналды сала қызметкері деп таныстырған қаскүнем, жұмыс істеп жүрген сыңай танытып үй иесінің күрткенінен 11 мың теңгені қолды еткен.
Екі зардап шегуші бірден полицияға шағымданады. Тәртіп сақшылары жедел іздестіру шараларын жүргізіп, 81 жастағы жалғызбасты зейнеткердің де алаяқтық құрбаны болғанын тіркеген. Ұры оның сөмкесінен тоғыз мың теңге алып кетеді.
Полиция күдіктіні ұстады. Ол бұрын істі болған Жаңа Бұқтырма ауылының 28 жастағы тұрғыны.
