Өскемен мен ШҚО Өскемен тұрғыны балконнан құлап қайтыс болды
Оқиға ЖМК ауданындағы Карл Маркс көшесіндегі көпқабатты үйде болған
Алдын ала деректерге сүйенсек, сағат 10-11 шамасында пәтеріне жөндеу жүргізіп жүрген ер адам балконның терезесінен байқаймай құлап кеткен. Ал пәтер жетінші қабатта орналасқан.
Алған жарақат ауыр болғандықтан, оқиға орнында көз жұмған. Жедел жәрдем бригадасы келіп үлгермеді.
- Тергеу амалдары жүргізілуде. Бірқатар сараптама жасалады, - дейді ШҚО ІІД баспасөз қызметі.
